Усiх аб’яднала казка
Усiх аб’яднала казка

Паціху набліжаецца да фінішу дабрачынная акцыя “Нашы дзеці”, якая зазірнула ва ўсе населеныя пункты Беларусі. Не абмінула яна і наш Узденскi раён. Удзельнікамі акцыі сталі сотні хлопчыкаў і дзяўчынак (а гэта дзеці, што апынуліся ў складанай жыццёвай сітуацыі, выхаванцы сацыяльнага прытулку, дзеці са шматдзетных, апякунскіх, прыёмных сем’яў, дзеці-інваліды), якія змаглі не проста акунуцца ў казку, але і паверыць у цуды.

Казачны карагод – вясёлы і шчыры – захапіў у палон дзетвару, якая завітала 28 снежня ў раённы музей на навагодняе прадстаўленне “Зімняя казка”, арганізаванае раённым аб’яднаннем прафсаюзаў, раённай арганізацыяй нашага грамадскага аб’яднання, райкама БРСМ і раённай арганізацыі Беларускага саюза жанчын.

Хлопчыкаў і дзяўчынак віталі Дзед Мароз, Снягурка і Вяжуля, якія пажадалі прысутным у зале моцнага здароўя і здзяйснення ўсіх мараў.

Песні, гульні, забавы, жарты ў аднолькавай ступені захапілі і дзяцей, якія весела смяяліся, і дарослых, якім таксама “дасталося” ад артыстаў, бо даводзілася прымяраць на сябе незвычайныя ролі, але таты і мамы справіліся, што асабліва залікова.

У канцы прадстаўлення маленькія гледачы атрымалі салодкія падарункі.

Адзін з хлопчыкаў (на выгляд гадоў пяці) не ўтрымаўся, калі ўсе сталі развітвацца і накіроўвацца ў гардэроб…Ён рашуча падышоў да Дзеда Мароза і амаль дзесяць хвілін нешта шаптаў таму на вуха. А потым хлопчык па-даросламу сказаў: “А мары здзяйсняюцца. Цяпер я гэта ведаю…”.

Дзед Мароз толькі ўсміхнуўся… Аднак нават сваёй памочніцы, калі тая пацікавілася, аб чым была размова, не раскрыў сакрэту. І гэта правільна: дзеці павінны верыць у лепшае… I неабавязкова — у казку”.





Бiблiятэчны святочны фармат

Шматлікія святочныя мерапрыемствы прайшлі ў многіх установах райцэнтра Узда. Касцюміраваныя ранішнікі ў дзіцячых садках і школах выклікалі шчырае захапленне ў маленькіх і дарослых гледачоў.

Традыцыйнай у раёне стала і навагодняя акцыя “У Новы год – з “Белай Руссю”, праведзеная сёлета сумесна з мясцовай бібліятэкай.

У творчым запасніку бібліятэкараў-наватараў шматлікія ідэі, каб аздобіць адпачынак дзяцей яркімі фарбамі.

Вось і напрыканцы снежня Вольга Колас, Таццяна Іванова, Ганна Аўсеенка, Вікторыя Козіч, Наталля Шчамянок прымерылі на сябе казачныя ролі, накіраваўшыся ў сельскія бібліяэкі – Слабаду, Ліцвяны і Магільна. Чацвёртая сустрэча з чытачамі прайшла на базе дзіцячай бібліятэкі.

“Для дзяцей няма нічога лепшага, калі падарункі і казка крочаць побач. Яны не толькі застаюцца пад уражанне ад убачанага, але і прывучаюцца да культуры, бо кожная казачная роль – гэта свой каларыт і эмоцыі, – адзначыла старшыня раённай арганізацыі РГА “Белая Русь” Т. Мятліцкая. – Сумеснымі намаганнямі мы здолелі гэта даказаць, як мне здаецца…”.


Комментарии
Комментировать
Районные и городские организации
Брестская область Гродненская область Минская область Витебская область Могилевская область Гомельская область Минск
Организации минской области
Организации Витебской области
Организации Могилевской области
Организации Гомельской области
Портал Президента Республики Беларусь
www.president.gov.by
Информационный ресурс для людей, столкнувшихся с проблемой наркомании
pomogut.by
Белорусский республиканский союз молодежи
brsm.by
Национальный правовой портал Республики Беларусь
www.pravo.by
Палата представителей
www.house.gov.by
Министерство информации Республики Беларусь
www.mininform.gov.by
Белорусское телеграфное агенство
www.belta.by