Акцыя "Чытаем з "Белай Руссю" да Мiжнароднага дня кнiгi
У вялікай краіне кніжнай культуры

Калі вольны час вы разглядаеце як магчымасць за кубкам кавы пазнаёміцца са знакамітымі гістарычнымі дзеячамі з пэўнай доляй мастацкай апрацоўкі або пайсці на пошук скарбаў у кампаніі вясёлых каўбояў ці адчуць сябе героем рамана, то са святам вас, шаноўчыя чытачы! 23 красавіка свет адзначае Міжнародны дзень кнігі, а значыць, кожны аўтар і чытач мае права далучыцца да святкавання, узгадаўшы, напрыклад, любімы напісаны альбо прачытаны твор, які здзівіў, уразіў, натхніў.

У мінскай сталічнай школе № 21 такая падзея ніколі не застаецца па-за ўвагай настаўнікаў і вучняў. Бібліятэка чакае дарагіх гасцей, прапаноўваючы розныя тэматычныя віктарыны ў залежнасці ад узросту вучняў і накірункаў выхаваўчай работы. Канешне, акцыя “Кнізе — другое жыццё” праходзіць на працягу ўсяго навучальнага года, але школьнікам важна і карысна адкрыць для сябе новую кнігу з пастаянных ці часовых выстаў, павіншаваць мастака слова з днём нараджэння, прачытаўшы знакаміты твор аўтара-юбіляра, паўдзельнічаць у квэсце па бібліятэцы, тым больш, што ў нашым выпадку — гэта асобны будынак. Так, сёлета вучні 7 “А” класа пад кіраўніцтвам бібліятэкара, члена "Белай Русi" Яўгеніі Ярмоленка на аснове анкетавання вопытных чытачоў самастойна арганізавалі выставу “Кнігі нашых бабуль”. Вялікую папулярнасць у школе набыў букросінг. Прымеркаваны да свята, адносна новы ў нашай установе адукацыі чэлендж “Чытач дорыць чытачу” (быў распачаты ў Міжнародны дзень дарэння кніг, які, мала хто ведае, адзначаецца 14 лютага) набыў масавы характар.


"Кніга — актуальны і запатрабаваны падарунак сёння, што не траціць каштоўнасці, нягледзячы на безупыннае інфармацыйнае развіццё. Нездарма нашы продкі называлі яе крыніцай мудрасці і сілы", — упэўнена настаўніца рускай мовы і літаратуры, чытач з сур’ёзным стажам Таццяна Сцяпанава.

Актыўна далучыліся вучні, іх бацькі, настаўнікі да чытацкага флэшмобу у сацыяльнай сетцы Iнстаграм, а паэтычныя перапынкі даўно сталі добрай школьнай традыцыяй.

“Вучні ахвотна рэкламуюць любімыя кнігі, дзеляцца цікавымі фактамі, адкрываюць для сябе багаты свет энцыклапедый, слоўнікаў, лінгвістычных рэбусаў. Мы, настаўнікі-філолагі, бачым відавочную карысць ад арганізацыі ў вучэбных кабінетах міні-выстаў да знакавых у літаратуры падзей, класных гадзін, святаў”, — сцвярджае настаўніца беларускай мовы і літаратуры Святлана Сапега.


Як жа змянілася крыніца ведаў, надзейны сродак распаўсюджвання інфармацыі, наш дарадца, а яшчэ сябар? Сёння мы маем доступ як да літаратурных навінак, так і да лепшых шэдэўраў сусветнай класікі. Многія музеі прапануюць сваім наведвальнікам віртуальныя экскурсіі, дзе можна пазнаёміцца з тэхнікай друкавання старадаўніх кніг, з іх аздабленнем, разледзіць выпрабаваныя часам старонкі першакрыніц. Школьныя падручнікі маюць QR-коды для аптымізацыі адукацыйнага працэсу, мастацкая літаратура насычаецца 3D старонкамі, а ў сучасныя гаджэты можна закачаць патрэбны твор і электронную версію падручніка. Кнігі ўдасканальваецца разам з чалавекам.

Класік беларускай літаратуры Янка Брыль аднойчы зазначыў:

“Калі я чытаю добрую кнігу, не папракайце мяне ў гультайстве. Не хочаце прызнаць, што я працую, дык думайце, што я малюся — Слову”.

І ў гэтай малітве аўтар знітаваны з чытачом, напісанае дапаўняецца новым сэнсам, натхняе на роздум. Літаратура квітнее шматпланавасцю, жанравым багаццем, стылёвым каларытам, каб дастукацца да сэрца кожнага з нас, каб у цяжкія хвіліны душэўных грымот, апынуцца ў беражлівых руках удзячнага чытача.





Галіна Стральчук,

намеснік дырэктара па выхаваўчай рабоце

ДУА “Сярэдняя школа № 21 імя М.Ф. Гастэлы г. Мінска”

 

Комментарии
Комментировать
Вас может заинтересовать
Районные и городские организации
Брестская область Гродненская область Минская область Витебская область Могилевская область Гомельская область Минск
Организации минской области
Организации Витебской области
Организации Могилевской области
Организации Гомельской области
Портал Президента Республики Беларусь
www.president.gov.by
Информационный ресурс для людей, столкнувшихся с проблемой наркомании
pomogut.by
Белорусский республиканский союз молодежи
brsm.by
Национальный правовой портал Республики Беларусь
www.pravo.by
Палата представителей
www.house.gov.by
Министерство информации Республики Беларусь
www.mininform.gov.by
Белорусское телеграфное агенство
www.belta.by