Крок насустрач будучыні
ШАГ з “Белай Руссю”

Для дапытлівых і цікаўных вучняў школа з’яўляецца не толькі пляцоўкай для атрымання ведаў, развіцця кампетэнцый, сяброўства, а яшчэ выдатнай магчымасцю для абгрунтавання грамадзянскай пазіцыі, праяўлення пачуцця патрыятызму на справе. Праект ШАГ (адзіны дзень інфармавання “Школа актыўнага грамадзяніна”) у сярэдняй школе № 21 імя М.Ф. Гастэлы г. Мінска, як і ва ўсёй краіне, у гэтым навучальным годзе прайшоў у другі раз. Актуальнасць тэмы “Я — будучы выбаршчык” відавочная.

Для большай эфектыўнасці ШАГ прайшла па першай мадэлі, якая прадугледжвае запрашэнне знакамітай, але галоўнае – кампетэнтнай у заяўленай тэме асобы на сустрэчу з вучнямі 8-11 класаў. Запрошаным госцем стала член акруговай выбарчай камісіі Старавіленскай выбарчай акругі № 105, старшыня Цэнтральнай раённай арганізацыі г. Мінска Рэспубліканскага грамадскага аб’яднання “Белая Русь” Наталля Воранава. Магчыма, даўнія сяброўскія адносіны арганізацыі і нашай школы дазволілі вучням 9-х-10-х класаў без залішняй сарамлівасці задаць мноства хвалюючых пытанняў Наталлі Уладзіміраўне пра будучыя выбары: ад арганізацыйных момантаў да магчымасці рэгістрацыі кандыдатаў, ад умоў галасавання да абавязкаў дэпутатаў.

Мадэратар ШАГ, класны кіраўнік 10 “А” класа Кацярына Лебедзева адзначае актыўнасць вучняў і іх зацікаўленасць тэмай. Магчыма, пасля такой сустрэчы вучні змогуць патлумачыць і дарослым некаторыя аспекты выбарчай сістэмы, абмеркаваць сур’ёзныя моманты, пацікавіцца праграмамі кандыдатаў. Вось невялікая колькасць пытанняў, зададзеных Наталлі Уладзіміраўне:

—      Як могуць прагаласаваць грамадзяне Рэспублікі Беларусь, якія знаходзяцца за межамі краіны?

—      Хто можа балатавацца ў дэпутаты?

—      Ці могуць у выбарах удзельнічаць людзі з псіхічнымі захворваннямі?

—      Якую дапамогу аказвае “Белая Русь” у арганізацыі і правядзенні выбараў?

—      Колькі зарэгістравана кандыдатаў?

—      Ці вызначыліся, за каго будзеце галасаваць? і інш.


Старшыня Цэнтральнай раённай арганізацыі проста і даходліва размаўляла з вучнямі, прыводзіла прыклады, дзялілася вопытам.

Зразумела, што найважнейшую ролю ў грамадзянскім і патрыятычным выхаванні старшакласнікаў у нашай школе адыгрываюць пярвічная арганізацыя “БРСМ”, у якую, акрамя вучняў, уваходзяць і маладыя настаўнікі.

“Упершыню школьнікі сутыкаюцца з выбарамі лідара БРСМ, каб пад яго кіраўніцтвам займацца рэалізацыяй важных мерапрыемстваў: аказанне шэфскай дапамогі ветэранам вайны, сем’ям загінуўшых, састарэлым жыхарам мікрараёна, догляд за помнікамі”, — канстатуе школьны педагог-арганізатар Крысціна Собаль, падкрэсліваючы неабходнасць наладжвання ва ўстановах адукацыі якаснага вучнёўскага самакіравання.


Штогод актывісты школы ўдзельнічаюць ва ўрачыстых мерапрыемствах, прысвечаных Дню Перамогі, Дню абаронца Айчыны, Дню героя-антыфашыста, Дню інтэрнацыяналіста і іншых, выказваючы уласную пазіцыю, шануючы памяць герояў. Наталля Уладзіміраўна заўсёды побач з падрастаючым пакаленнем (акцыі і канцэрты, брыфінгі і адкрытыя мікрафоны), гатовая адказаць на пытанні, дапамагчы парадай, патлумачыць. Так у моладзі фарміруецца давер да “Белай Русі”, цікаўнасць да яе дзейнасці, узнікае жаданне стаць адным з вялікай каманды, каб выказваць абгрунтаваную пазіцыю, быць ідэалагічна падкаванымі ў дарослым жыцці, адчуваць сябе адказным грамадзянінам.

Школьнікаў моцна хвалююць пытанні будучыні, бо менавіта сённяшнія старшакласнікі ў хуткім часе будуць апорай краіны, асноўнай рухаючай сілай і годнымі (ствараем для гэтага неабходныя ўмовы) прафесіяналамі, якія будуць і працай, і песняй славіць шчодрую на таленты беларускую зямлю.

 


 

Галіна Стральчук, намеснік дырэктара па выхаваўчай рабоце

ДУА “Сярэдняя школа № 21 імя М.Ф. Гастэлы г. Мінска”

Комментарии
Комментировать
Вас может заинтересовать
Районные и городские организации
Брестская область Гродненская область Минская область Витебская область Могилевская область Гомельская область Минск
Организации минской области
Организации Витебской области
Организации Могилевской области
Организации Гомельской области
Портал Президента Республики Беларусь
www.president.gov.by
Информационный ресурс для людей, столкнувшихся с проблемой наркомании
pomogut.by
Белорусский республиканский союз молодежи
brsm.by
Национальный правовой портал Республики Беларусь
www.pravo.by
Палата представителей
www.house.gov.by
Министерство информации Республики Беларусь
www.mininform.gov.by
Белорусское телеграфное агенство
www.belta.by