Слухай родную прыроду!
Прырода абуджаецца — класная гадзiна пачынаецца

“Будуюць буслы буслянку, работа кіпіць ад ранку…”, — такімі радкамі пачалася адкрытая класная гадзіна ў 5-м “А” класе сярэдняй школы №21 імя М.Ф. Гастэлы г. Мінска, прысвечаная вясноваму абуджэнню прыроды: срэбразвонным ручаям і яркім пралескам, ласкаваму сонейку і прыляцеўшым на радзіму птушкам. Нездарма гавораць вядучыя імпрэзы пра буслоў (іх часта называюць у нас бацянамі, буськамі), бо яшчэ нашы продкі былі ўпэўнены: шчаслівай будзе тая сям’я, на хаце якой пасяліліся буслы. Пра бусла складаюцца песні, казкі, дзіцячыя забаўлянкі, з сімвалам Беларусі звязана шмат павер’яў. Ад яго імя ўтвораны назвы населеных пунктаў, раслін. Ды і знакамітая караткевічаўская “Зямля пад белымі крыламі” — ушанаванне птушкі.


— Любоў да Радзімы пачынаецца з вывучэння скарбаў багатай беларускай прыроды, са знаёмства з насельнікамі лясоў, лугоў, балот, з тым кутком, да якога ты адчуваеш вялікую прыязнасць і ўдзячнасць, — бярэ слова класны кіраўнік 5 “А” класа, настаўніца беларускай мовы і літаратуры Святлана Уладзіміраўна Сапега. Мы не можам не пагадзіцца са словамі вялікіх класікаў, якіх упэўнена цытуюць вучні, дэманструючы ілюстрацыі і нават плакаты-пейзажы, загадзя падрыхтаваныя дзецьмі і іх бацькамі.

Пачатковая школа разам з класнымі кіраўнікамі і выхавальнікамі груп падоўжанага дня таксама працягнула серыю пазакласных мерапрыемстваў, вітанняў вясны, прысвечаных сур’ёзным святам: Сусветнаму дню водных рэсурсаў (22 сакавіка), Гадзіне Зямлі (30 сакавіка), Дню птушак (1 красавіка). Так, трэцякласнікі з настаўніцай пачатковых класаў Т.Ю. Калыхан падвялі вынікі конкурса малюнкаў “Прывітанне, вясна!” і конкурса “Лепшы домік для пярнатых!”. А ў 2-м “Б” класе з падачы класнага кіраўніка Марыі Міхайлаўны Клімянковай стартаваў конкурс чытальнікаў вершаў на вясновую тэматыку. Дарэчы, паэтычныя перапынкі актуальныя таксама для вучняў 5-7-х класаў і з’яўляюцца традыцыйнымі для нашай школы. У гэты раз канкурсантам для дэкламацыі была прапанавана пейзажная лірыка. Выхаванцы груп падоўжанага дня 2-4 класаў разам з педагогамі Святланай Віктараўнай Далганюк, Вольгай Уладзіміраўнай Маркевіч, Жанай Анатольеўнай Скамарох арганізавалі творчую майстэрню і стварылі сапраўдны 5-D шэдэўр “Зямля пад белымі крыламі”. Самыя маленькія школьнікі – першакласнікі (класны кіраўнік Наталля Мікалаеўна Васілеўская) — распрацавалі жывы буклет парадаў для юных эколагаў “Беражыце прыроду”, а настаўніца 2 “А” Ірына Віктараўна Велічкевіч сумесна з дзецьмі стварыла дрэва вясновых мар.


Старшыня школьнай пярвічнай арганізацыі РГА “Белая Русь”, педагог-арганізатар Крысціна Іосіфаўна Собаль правяла для вучняў 2-5 класаў тэматычнае караоке “Песняй вясны лебядзінаю…”. Усе песні вучні выконвалі бадзёра і весела, некаторыя нават пусціліся ў скокі.

Экалагічнае выхаванне ў школе стварае ўмовы для фарміравання новай экалагічнай свядомасці, паколькі наступствы актыўнага і часам нерацыянальнага ўзаемадзеяння людзей з прыродай нясуць пагрозу наваколлю. Любіць прыроду – гэта не толькі захапляцца яе прыгажосцю, але і імкнуцца пабудаваць бездакорныя адносіны з выкарыстаннем прыродных рэсурсаў, удасканальваць уласнае экалагічнае выхаванне, вучыцца слухаць родную прыроду.





Галіна Мікалаеўна Стральчук,

намеснік дырэктара па выхаваўчай рабоце

ДУА “Сярэдняя школа № 21 імя М.Ф. Гастэлы г. Мінска”

Комментарии
Комментировать
Вас может заинтересовать
Районные и городские организации
Брестская область Гродненская область Минская область Витебская область Могилевская область Гомельская область Минск
Организации минской области
Организации Витебской области
Организации Могилевской области
Организации Гомельской области
Портал Президента Республики Беларусь
www.president.gov.by
Информационный ресурс для людей, столкнувшихся с проблемой наркомании
pomogut.by
Белорусский республиканский союз молодежи
brsm.by
Национальный правовой портал Республики Беларусь
www.pravo.by
Палата представителей
www.house.gov.by
Министерство информации Республики Беларусь
www.mininform.gov.by
Белорусское телеграфное агенство
www.belta.by