Адзіны дзень інфармавання насельніцтва ў Дзятлаўскім раёне
Памятайце мінулае, каб мець будучыню
Крыніца: Перамога
20 снежня прайшоў Адзіны дзень інфармавання насельніцтва.

У Дзятлаўскім раёне працавала абласная інфармацыйная група, у складзе якой былі начальнік галоўнага ўпраўлення юстыцыі Гродзенскага аблвыканкама Алена Юргель і намеснік старшыні Гродзенскай абласной арганізацыі ГА “Белая Русь”, першы намеснік старшыні праўлення Гродзенскай абласной арганізацыйнай структуры ГА “Беларускае таварыства “Веды” Святлана Вараніца. Спецыялісты сустрэліся з калектывамі Цэнтра банкаўскіх паслугаў №407 Філіяла №413 ААТ “ААБ Беларусбанк” і Дзятлаўскага ўчастка электрасувязі Слонімскага занальнага вузла электрасувязі Гродзенскага філіяла РУП “Белтэлекам”.

На парадку дня былі пяць актуальных пытанняў. Напрыклад, намеснік начальніка аддзела жыллёва-камунальнай гаспадаркі, архітэктуры і будаўніцтва Васіль Мудры расказаў аб асноўных накірунках дзяржаўнай жыллёвай палітыкі. Гэта паляпшэнне жыллёвых умоваў грамадзян з дзяржаўнай падтрымкай і без яе (за кошт стварэння спрыяльных умоваў будаўніцтва жылля на камерцыйнай аснове, павелічэння фонду наёмнага жылля). Так, канцэпцыя развіцця нацыянальнай эканомікі прадугледжвае скарачэнне долі бюджэтнага фінансавання і пашырэнне выкарыстання пазабюджэтных крыніц.

У час ацяпляльнага сезона і напярэдадні зімовых святаў дарэчы былі выступленні намесніка начальніка Дзятлаўскага РАНС па ідэалагічнай рабоце Аляксандра Бяленкі і начальніка інспекцыі па справах непаўналетніх АУС Дзятлаўскага райвыканкама Віктара Петрукевіча, якія акрамя галоўных пытанняў, закранулі праблемы выкарыстання піратэхнікі, бяспекі людзей і іх маёмасці.


Намеснік начальніка па працы, занятасці і сацыяльнай абароне райвыканкама, начальнік аддзела пенсій і дапамогаў Алена Навічэнкава расказала аб правах дзяцей-інвалідаў і іх рэалізацыі на тэрыторыі Гродзенскай вобласці.

Цікавы і змястоўны аповед прысутныя пачулі ад Святланы Вараніцы. Яна ўзгадала асноўныя факты з гісторыі стварэння БССР, паразважала аб яе ролі ў фарміраванні беларускай дзяржаўнасці і развіцці суверэннай Беларусі і падвяла выснову, што менавіта ў перыяд БССР быў закладзены трывалы грамадска-палітычны, эканамічны і культурны падмурак беларускай нацыянальнай дзяржаўнасці, які вытрымаў выпрабаванне часам, стварыў надзейную аснову будаўніцтва суверэннай Рэспублікі Беларусь.

Ірына СТЫРНІК


Комментарии
Комментировать
Вас может заинтересовать
Районные и городские организации
Брестская область Гродненская область Минская область Витебская область Могилевская область Гомельская область Минск
Организации минской области
Организации Витебской области
Организации Могилевской области
Организации Гомельской области
Портал Президента Республики Беларусь
www.president.gov.by
Информационный ресурс для людей, столкнувшихся с проблемой наркомании
pomogut.by
Белорусский республиканский союз молодежи
brsm.by
Национальный правовой портал Республики Беларусь
www.pravo.by
Палата представителей
www.house.gov.by
Министерство информации Республики Беларусь
www.mininform.gov.by
Белорусское телеграфное агенство
www.belta.by