Сустрэчы, размовы, успаміны са школьнікамі
Незгасальны агонь нашай памяці

Школьнае жыццё ў лютым віравала знакавымі падзеямі. Месячнік грамадзянска-патрыятычнага і ідэалагічнага выхавання яшчэ раз нагадаў пра агульны боль і адначасова гонар беларусаў: Дзень юнага героя-антыфашыста, Дзень памяці воінаў-інтэрнацыяналістаў, Дзень абаронцаў Айчыны і Узброеных Сіл Рэспублікі Беларусь. Маштабнай падзеяй стала, бясспрэчна, народнае веча — VI Усебеларускі Народны Сход, у якім удзельнічаў і прадстаўнік нашай ўстановы адукацыі — намеснік дырэктара па выхаваўчай рабоце Г.М. Гузоўская.

Педагогі і вучні сталічнай школы № 21, якая носіць імя слаўнага лёгчыка М.Ф. Гастэлы, з асаблівай адказнасцю і пашанай прыймаюць у гасцях дзяржаўных служачых, грамадскіх актывістаў, творцаў. Мы, нераўнадушныя да лёсу Радзімы, віталі тых, хто ўпісвае сваё імя ў багатую гісторыю Беларусі, захінаючы яе ад роспачы і варожых позіркаў.

Эфектыўнае супрацоўніцтва з Цэнтральнай раённай г. Мінска арганізацыяй РГА «Белая Русь» на чале з Н.У. Воранавай робіць запатрабаваным кожнае сумеснае мерапрыемства: пачынаючы ад вясёлых інтэлектуальных падарожжаў (гульня-квэст «Тайны нашай школы», класная гадзіна «Добры молодцы!», акцыя «100 фактаў пра Беларускую Армію» і інш.), прафілактычных акцый, выстаў да сур’ёзных размоў з калектывам па выніках УНС падчас «Адкрытага дыялогу», патрыятычных праектаў і шчырага сяброўства ў імя Беларусі.

З вялікай любоўю чакае школа сустрэчы з выпускнікамі, якія праславілі родную ўстанову далёка за межамі краіны. Падчас адкрытай інфармацыйнай гадзіны «Старонкі Афганскай вайны» вучні 6-10 класаў сустрэліся з воінамі-інтэрнацыяналістамі: ганаровым выпускніком нашай школы, старшынёй Савета Цэнтральнай раённай арганізацыі «Пабрацім» Беларускага Саюза ветэранаў вайны ў Афганістане Д.Г. Сянько і кіраўніком ваенна-патрыятычнага клуба «Памяць» Р.М. Касцюкевічам. Героі вайны ўзгадвалі даваенны час. Выхаваныя на прыкладах гераізму ветэранаў Вялікай Айчыннай вайны, дзевятнаццацігадовыя юнакі марылі служыць Радзіме, абараняць яе. Выступоўцы гаварылі і пра баі, у якіх гублялі таварышаў, і пра бясцэнныя лісты, што атрымлівалі з дому, і пра каханне — без яго нікуды. Расказвалі пра сяброўства, пра тое, як ў запісных кніжках пазначалі важныя моманты службы і... як, гледзячы на цёмна-сіняе неба над гарамі, хацелі жыць. Дзмітрый Генадзьевіч выканаў пад гітару тры песні. Боль Афганістана адчуваецца ў кожным гуку, ва ўсмешцы, у мудрым позірку. Асабліва пякуча — на Востраве Слёз, дзе кожны год 15 лютага нашы вучні у знак вечнай памяці і невычэрнага смутку ўскладаюць кветкі да мемарыялу воінам-інтэрнацыяналістам...


Першы сакратар Цэнтральнага раённага камітэта ГА «БРСМ» М.В. Янчанка з вялікім задавальненнем наведала інфармацыйныя гадзіны, далучылася да рэалізацыі праекта ШАГ, падключыла вучняў і працоўную моладзь да гарадскіх акцый. Разам мы прыбіралі снег на мінскіх вуліцах, віншавалі юбіляра, удзельніка ВАВ са 100-годдзем, абмяркоўвалі працоўную занятасць вучняў у летні перыяд. Патрыёт якраз і нараджаецца з гатоўнасці працаваць на карысць радзіме і служыць людзям.

Раённы ўрок мужнасці напярэдадні 23 лютага прайшоў у сярэдняй школе № 37, дзе арганізаваны і плённа працуе Цэнтр дапрызыўнай падрыхтоўкі вучняў 10-11 класаў. На той момант правілы аказання медыцынскай падрыхтоўкі і зладжаны марш там асвойвалі нашы дзесяцікласнікі. Ваенны камісар Цэнтральнага раёна палкоўнік С.У. Коўш — часты госць ва ўстановах адукацыі. Прафарыентацыйную работу палкоўнік праводзіць не толькі з выпускнікамі, але і з вучнямі пачатковых класаў. Так, нядаўна ён выступаў перад трэцякласнікамі на віртуальным парадзе Узброеных сіл Рэспублікі Беларусь «Красив в строю — силён в бою!», пасля якога ўсе хлопчыкі выказалі шчырую гатоўнасць служыць у войску.

Вынікі месячніка падведзены. Актывісты ўзнагароджаны падзякамі і прызнаннем. Прыемна, што дзеці разумеюць значнасць святаў, свядома ўдзельнічаюць у мерапрыемствах, цікавяцца гісторыяй нашай краіны, з павагай ставяцца да тых, хто прыклаў намаганні да яе незалежнасці і працягвае абараняць бацькаўшчыну.

Няхай і далей не губляецца сувязь пакаленняў, няхай гарыць незгасальны агонь нашай памяці, бо ветэранам ёсць чаму нас навучыць, а нам, удзячным дочкам і сынам, унукам і праўнукам, — чаму ў іх павучыцца.

Галіна Гузоўская,

намеснік дырэктара па выхаваўчай рабоце

ДУА «Сярэдняя школа № 21 імя М.Ф. Гастэлы»




Комментарии
Комментировать
Районные и городские организации
Брестская область Гродненская область Минская область Витебская область Могилевская область Гомельская область Минск
Организации минской области
Организации Витебской области
Организации Могилевской области
Организации Гомельской области
Портал Президента Республики Беларусь
www.president.gov.by
Информационный ресурс для людей, столкнувшихся с проблемой наркомании
pomogut.by
Белорусский республиканский союз молодежи
brsm.by
Национальный правовой портал Республики Беларусь
www.pravo.by
Палата представителей
www.house.gov.by
Министерство информации Республики Беларусь
www.mininform.gov.by
Белорусское телеграфное агенство
www.belta.by