Экспанаты навучаюць
Без музеяў уся гісторыя нямая

Сёння камунікацыя адыгрывае вялікую ролю ў жыцці грамадства, у фарміраванні яго светапогляду. Праз музейную камунікацыю (а гэта не толькі працэс узаемадзеяння, які адбываецца ў музейнай прасторы, але і ўся сукупнасць адносін, што нараджаюцца ў працэсе развіцця музейнасці і ўключаюць разнастайныя аспекты культурнай камунікацыі) існуе магчымасць выхоўваць вучнёўскую моладзь, адказную не толькі за асабісты лёс, але і за будучыню сваёй краіны, не абстрактна, а на канкрэтных прыкладах.

Стварэнне ўмоў для фарміравання нацыянальнай самасвядомасці навучэнцаў праз вывучэнне і захаванне гістарычнай спадчыны стала асноўнай мэтай дзейнасці школьнага музея М.Ф. Гастэлы і этнаграфічнага кутка ў 21-й сталічнай школе. Дзякуючы развіццю музейнай камунікацыі, як у традыцыйным, так і адметна новых накірунках, удасканальваецца навукова-даследчая і выхаваўчая дзейнасць ва ўстанове адукацыі. Якім чынам?


Традыцыйныя сустрэчы ў нашым музеі з ветэранамі, вязнямі Вялікай Айчыннай вайны, жывымі сведкамі даюць магчымасць пастаянна папаўняць фонд кнігамі, «жывымі галасамі», фотаздымкамі, газетнымі артыкуламі. Супрацоўніцтва з іншымі сацыякультурнымі ўстановамі дае магчымасць падзяліцца ўласным вопытам работы і прымяніць набытыя веды на практыцы. Так, у мінулым навучальным годзе школа была ўключана ў сумесны праект з Беларускім дзяржаўным Музеем гісторыі Вялікай Айчыннай вайны «Мы — помним, мы — гордимся!». Акрамя наведвання экспазіцый, музейных урокаў, навучэнцы прысутнічалі на адкрыцці выставы, прысвечанай В.Быкаву, а некаторыя ўдзельнічалі ў зборы фактычнага матэрыялу для экспазіцыі, прысвечанай воінам-інтэрнацыяналістам.

Фестываль беларускага стала, тэатралізацыя народных святаў «Гуканне вясны», «Ой там, вярба», «Каляды», «Багач» і іншыя не менш значныя і цікавыя святы даюць магчымасць паглыбіцца ў мінулае сваёй краіны, даведацца аб тых цудоўных традыцыях і звычаях нашых продкаў, якія, на шчасце, сёння мы адраджаем пакуль у межах школы. Вялікую падтрымку ў гэтым несумненна аказвае Цэнтральная раённая арганізацыя г. Мінска РГА «Белая Русь» і яе старшыня Наталля Уладзіміраўна Воранава. Супрацоўніцва школьнага музея з раённай «Белай Руссю» пачалося яшчэ з сумеснай арганізацыі конкурс творчых работ «Паставілі шмат год назад вайне мы кропку агнявую...».

Экспанаты этнаграфічнага кутка актыўна выкарыстоўваюцца настаўнікамі пры правядзенні ўрокаў беларускай мовы і літаратуры, гісторыі. Ствараюцца часовыя экспазіцыі «Прадметы народнага побыту ў паэме Я.Коласа «Новая зямля», «І тчэ, забыўшыся, рука» пры вывучэнні творчасці М. Багдановіча, «Прылады працы», «Посуд» пры вывучэнні твора З. Бядулі «Бондар і інш. Дарэчы, экспанаты, прадстаўленыя ў этнаграфічным кутку, сабраны з розных рэгіёнаў краіны намаганнямі настаўнікаў, навучэнцаў і іх бацькоў, а экскурсіі праводзяцца на беларускай мове падрыхтаванымі вучнямі-экскурсаводамі. Асаблівасцю этнаграфічнага кутка з’яўляецца тое, што ўсе рэчы тут можна патрымаць у руках, разгледзіць з розных бакоў, некаторыя — прымераць.


Распрацоўка новых формаў прыцягнення ўвагі навучэнцаў да ўдзелу ў рабоце школьнага музея і этнаграфічнага кутка — неабходная ўмова для пастаяннай дынамічнай работы музея. Творчы чэлендж «Музей для дзяцей рукамі дзяцей», конкурс на лепшую эмблему музея, распрацоўка макетаў сувенірнай прадукцыі музея, віртуальныя экскурсіі па школьным музеі і этнаграфічным кутку, квесты з выкарыстаннем экспанатаў, пасты ў сацыяльных сетках з тэматычнымі хештэгамі — магчымасці пазакласных мерапрыемстваў бязмежныя.

Важным для работы школьнага музея з’яўляецца ўстанаўленне сувязей з аднайменнымі сацыякультурнымі ўстановамі краіны, бліжняга замежжа. Так, наша школа супрацоўнічае з музеем М.Ф. Гастэлы ў г.п. Радашковічы, таксама наладжваецца сувязь з музеем М.Ф. Гастэлы ў Мураме.

Школьныя музеі, этнаграфічныя куткі валодаюць неабмежаваным выхаваўчым уплывам на падрастаючае пакаленне, паколькі, вывучаючы памылкі мінулага, мы ўзбагачаемся вопытам — галоўнай зброяй у барацьбе за квітнеючую будучыню сінявокай Радзімы, за яе адзінства і незалежнасць.


Стральчук Галіна Мікалаеўна,

намеснік дырэктара па выхаваўчай рабоце

ДУА «Сярэдняя школа № 21 імя М.Ф. Гастэлы г. Мінска»





Комментарии
Комментировать
Районные и городские организации
Брестская область Гродненская область Минская область Витебская область Могилевская область Гомельская область Минск
Организации минской области
Организации Витебской области
Организации Могилевской области
Организации Гомельской области
Портал Президента Республики Беларусь
www.president.gov.by
Информационный ресурс для людей, столкнувшихся с проблемой наркомании
pomogut.by
Белорусский республиканский союз молодежи
brsm.by
Национальный правовой портал Республики Беларусь
www.pravo.by
Палата представителей
www.house.gov.by
Министерство информации Республики Беларусь
www.mininform.gov.by
Белорусское телеграфное агенство
www.belta.by