Смачна есці!
“А на стале тым — рай, ды годзе!”

Звычайна у выхадны дзень бабулі на сняданак частуюць унукаў духмянымі аладкамі і кісялём, блінцамі і ўзварамі, запяканкай і кампотамі, далучаюць моладзь да нацыянальнай кухні — смачнай і натуральнай. А яшчэ бабулі ўмеюць з захапленнем нарыхтаваць прысмакі на ўвесь клас, спяшаючыся на кулінарнае свята разам з улюбёнымі ўнукамі ў шосты школьны дзень…

У суботу ў сталiчнай школе № 21 прайшоў агульнашкольны фестываль беларускай нацыянальнай кухні “Смачна есці!”, прысвечаны Году малой Радзімы. У імпрэзе прынялі ўдзел вучні 1-4 класаў, бацькі, бабулі і дзядулі, класныя кіраўнікі пачатковых класаў, члены РГА “Белая Русь”, захавальнікі нацыянальнай культуры Н.М. Васілеўская, І.М. Глінская, І.В. Велічкевіч, М.М. Клімянкова, Т.Ю. Калыхан, Т.І. Лагуноўская, адміністрацыя школы. Асноўная мэта такога свята – выхаванне павагі і любові да традыцый і звычаяў нашых продкаў, да гісторыі стварэння нацыянальных страў, прадстаўленне рацэптаў сваёй сям’і, прыгатаванне спрадвечна беларускіх страў.


Прыемна адзначыць, што атмасфернасць і нацыянальны каларыт мерапрыемства стваралі саматканыя ручнікі, вышываныя абрусы, прадметы хатняга побыту нашых продкаў, што былі прывезены ў школу вучнямі і іх бацькамі. Школьны этнаграфічны куток прадаставіў плеценыя з саломы цукерніцы і вазы. Не абыйшлося без апетытнай фотазоны, якую ўпрыгожылі звязкі цыбулі і часнаку, сушаныя перцы і грыбы. Для жадаючых сфатаграфавацца прапаноўвалі нацыянальны касцюм ці яго дэталі, напрыклад, сарочку, вянок, пояс.

Веданне фальклору — адзін з паказчыкаў культуры грамадзяніна, нераўнадушнага да родных вытокаў. Пачалося свята з ушанавання каравая як галоўнай стравы, што здаўна займае пачэснае месца на беларускім стале: з ім ішлі ў сваты, на вяселле, сустракалі дарагіх гасцей. Песняй “Галасы Зямлі” павітала гасцей удзельніца Нацыянальнага акадэмічнага народнага хору Рэспублікі Беларусь імя Г. Цітовіча, шматдзетная матуля Наталля Віктараўна Базарэвіч, чацвёра дзяцей якой – вучні нашай школы. Урыўкі з рамана ў вершах Ніла Гілевіча “Родныя дзеці” прагучалі ў выкананні вучняў 3 “А” класа. Класны кіраўнік Таццяна Юр’еўна Калыхан адзначыла, што ў беларускай літаратуры шмат твораў-прысвячэнняў нацыянальным стравам, але вучням прыйшоўся даспадобы раман у вершах, дзе апісваюцца не зусім ўласцівыя сучаснаму сталу стравы: вантрабянка, крывянка, каўтух, верашчака. Гэта жаданне больш даведацца пра культуру харчавання нашых продкаў.


Вучні праходзілі розныя станцыі згодна з атрыманым маршрутам: інтэлектуальныя станцыі “Загадкі з бабулінага куфэрку”, “Знаўцы нацыянальных страў”, танцавальны прыпынак “Запрашаем у карагод”, працоўны дэсант “Народная майстэрня лялек”, гасцінная “Карчма”. Кожны вучань пад кіраўніцтвам умеліцы, класнага кіраўніка 2 “А” класа І.В. Велічкевіч зрабіў сваімі рукамі ляльку-абярэг для хатняга абедзеннага стала. Толькі пасля дэманстрацыі ведаў, танцавальных уменняў, вынаходніцтва і крэатыву ўсіх запрасілі на дэгустацыю ў карчму. Аладкі, дранікі, бабкі, калдуны, марынаваная агародніна, бабка, бліны, узвар – такі апетытны фінал чакаў удзельнікаў фестывалю.

Мерапрыемствы такога характару, пазнавальныя, пазітыўныя, маштабныя, дазваляюць выхоўваць маленькіх беларусаў сапраўднымі патрыётамі. Актыўны ўдзел бацькоў і настаўнікаў у такім свяце, трывалы саюз школы і сям’і ў агульнай карыснай справе — прыклад павагі да традыцый продкаў, да нацыянальнай культуры, без ведання якой наўрад ці можна гаварыць пра нашу квітнеючую будучыню.

 




Галіна Стральчук,

намеснік дырэктара па выхаваўчай рабоце

ДУА “Сярэдняя школа № 21 імя М.Ф. Гастэлы г. Мінска”

Комментарии
Комментировать
Вас может заинтересовать
Районные и городские организации
Брестская область Гродненская область Минская область Витебская область Могилевская область Гомельская область Минск
Организации минской области
Организации Витебской области
Организации Могилевской области
Организации Гомельской области
Портал Президента Республики Беларусь
www.president.gov.by
Информационный ресурс для людей, столкнувшихся с проблемой наркомании
pomogut.by
Белорусский республиканский союз молодежи
brsm.by
Национальный правовой портал Республики Беларусь
www.pravo.by
Палата представителей
www.house.gov.by
Министерство информации Республики Беларусь
www.mininform.gov.by
Белорусское телеграфное агенство
www.belta.by